Qazaqstan elshisi Tashkent hokımimen kezdesti
Qazaqstannyń Ózbekstandaǵy elshiligi habarlaǵandaı, kezdesý barysynda Darhan Satybaldy Ózbekstan astanasynyń saýda-ekonomıkalyq qarym-qatynasty damytý, sondaı-aq mádenı-gýmanıtarlyq baılanysty jolǵa qoıý isine qosqan úlesin atap ótti. Qazaqstan men Ózbekstan prezıdentteriniń ózara is-qımyldy jandandyrý boıynsha qoıǵan mindetterin eskere otyryp, qazaqstandyq ınvestorlardyń Ózbekstan astanasynda jobalardy júzege asyrýǵa múddeli ekenin habarlady.
Óz kezeginde Djahongır Artyqhodjaev ınvestıtsııanyń ósýine baılanysty Tashkent qalasynyń qurylys salasy aıtarlyqtaı jandanǵanyn sóz etti. Ol Qazaqstan elshisin 2025 jylǵa deıingi astanany damytý tujyrymdamasymen tanystyrdy.
Tashkent hokımi «Astana Opera» jáne «Astana Balet» ujymdarynyń gastrolderin turaqty negizde ótkizgen jón ekenin atap ótti.