Qazaqstan Elshisi Soltústik Makedonııanyń basshylyǵymen kezdesti
Atap aıtqanda, Elshi Soltústik Makedonııa Premer-mınıstri Zoran Zaevpen, Assambleıa (Parlamentiniń) spıkeri Talat Djaferımen, Vıtse-premer-mınıstr Fatmır Betıchımen, Ekonomıka mınıstri Kreshnık Bekteshımen, EQYU PA Makedonııa delegatsııasynyń jetekshisi Igor ıAnýshevpen jáne QR Parlamenti Májilisimen yntymaqtastyq jónindegi parlamenttik dostyq tobynyń jetekshisi Enes Ibragımmen júzdesti, sondaı-aq basqa da SІM-de kezdesýler ótkizdi.
Úkimet basshysymen kezdesýde ekijaqty yntymaqtastyqtyń qazirgi jaǵdaıy men damý perspektıvalary, sondaı-aq halyqaralyq problemalar, onyń ishinde Balqan óńirindegi ahýal talqylandy. Qazaqstan Elshisi suhbattasýshyny Qazaqstandaǵy áleýmettik-ekonomıkalyq jaǵdaımen, eldi odan ári reformalaý jáne qazaqstandyq qoǵamdy damytý jónindegi sharalar týraly habardar etti.
Óz kezeginde Premer-mınıstr Soltústik Makedonııa Qazaqstanmen ózara tıimdi negizde saıası dıalogty odan ári belsendi nyǵaıtýǵa jáne saýda-ekonomıkalyq qatynastardy damytýǵa nıetti ekenine sendirdi.
Qazaqstandyq dıplomattyń Soltústik Makedonııa Parlamentinde kezdesýiniń máni parlamentaralyq yntymaqtastyqty damytý boldy. Taraptar zań ústemdigin nyǵaıtý máseleleri boıynsha tájirıbe almasý maqsatynda zań organdary, onyń ishinde eki el depýtattarynyń dostyq toby arasyndaǵy baılanystardy qarqyndatýǵa múddelilikti atap ótti.
Ekonomıkalyq máseleler jónindegi vıtse-premer F.Betıchımen elderimiz arasyndaǵy saýda-ekonomıkalyq saladaǵy ózara is-qımyl jáne qarym-qatynastardy tereńdetý máseleleri talqylandy. Atap aıtqanda, aýyl sharýashylyǵyndaǵy, energetıkadaǵy ózara is-qımyldy damytýǵa, sondaı-aq óńirlik jáne kóliktik yntymaqtastyqqa erekshe nazar aýdaryldy.
Makedonııalyq tarap Qazaqstandy Ortalyq Azııadaǵy negizgi áriptes retinde qarastyra otyryp, ekijaqty qarym-qatynastardy sapaly jańa deńgeıge shyǵarýǵa múddelilik tanytty.
Ústimizdegi jyly eki el arasyndaǵy saýda jáne iskerlik baılanystardy damytýǵa serpin beretin saýda-ekonomıkalyq yntymaqtastyq jónindegi Qazaqstan-Makedonııa Úkimetaralyq komıssııasynyń birinshi otyrysyn Skope qalasynda ótkizý qazaqstandyq dıplomattyń Ekonomıka mınıstrimen kezdesýiniń negizgi taqyryby boldy.
Sonymen qatar, qazaqstandyq dıplomat Qazaqstanǵa ınvestıtsııa tartý maqsatynda Soltústik Makedonııanyń isker toptarymen birqatar kezdesýler ótkizdi.
