Qazaqstan Elshisi Sıngapýr Prezıdentine senim gramotalaryn tapsyrdy
NUR-SULTAN. QazAqparat - Qazaqstan Respýblıkasynyń Sıngapýr Respýblıkasyndaǵy Elshisi Arken Arystanov Sıngapýr Prezıdenti Halıma ıAkobke Senim gramotalaryn tapsyrdy, dep habarlaıdy QR SІM baspasóz qyzmeti.
Kezdesý barysynda Qazaqstannyń Tuńǵysh Prezıdenti – Elbasy Nursultan Nazarbaev pen Sıngapýrdyń birinshi Premer-Mınıstri Lı Kýan ıÝ negizin qalaǵan elder arasyndaǵy dostyq qatynastardy nyǵaıtýdyń mańyzdylyǵyn atap ótildi.
Elimizdiń dıplomaty Qazaqstannyń Prezıdenti Qasym-Jomart Toqaevtyń qurmetin jetkizdi.
Taraptar ekijaqty quqyqtyq bazany nyǵaıtý, onyń ishinde ınvestıtsııalardy kótermeleý jáne ózara qorǵaý týraly kelisimniń kúshine ený jáne 2019 jyldyń sońyna deıin EAEO men Sıngapýr arasyndaǵy erkin saýda týraly kelisim boıynsha kelissózder protsesiniń aıaqtalýy qajettiligine erekshe nazar aýdardy.
Sıngapýr basshysy Elshi A.Arystanovqa jańa qyzmetinde sáttilik tileı otyryp, sıngapýrlyq taraptyń eki el arasyndaǵy yntymaqtastyqty odan ári damytýǵa kúsh-jigerin salýǵa umtylysyn atap ótti, sondaı-aq Qazaqstan basshylyǵymen belsendi suhbattasýǵa óz daıyndyǵyn jetkizdi.
