Qazaqstan elshisi Saýd Arabııasy Koroline Senim gramotalaryn tapsyrdy
NUR-SULTAN. QazAqparat - Qazaqstan elshisi Berik Aryn Saýd Arabııasy Koroline Senim gramotalaryn tapsyrdy, dep habarlaıdy QazAqparat.
Ál-Salam saraıynda Qazaqstannyń Saýd Arabııasy Koroldigindegi Elshisi Berik Aryn Saýd Arabııasynyń Koroli, Qasıetti Qos Kıeniń Saqshysy Salman ben Ábdel Azız Ál Saýdqa Senim gramotalaryn tabystady.
Kezdesý barysynda Saýd Arabııasy Koroli jańa saılanǵan Prezıdent Qasym-Jomart Toqaevqa óziniń ystyq sálemi men yqylasyn joldap, Qazaqstan halqyna tolassyz órkendeý men damý tilektirin bildirdi.
Korol Saýd Arabııasynyń Qazaqstanmen jan-jaqty yntymaqty damytý men tereńdetýge múddeliligin qýattaı otyryp, Elshige dıplomatııalyq qyzmetinde jemisti bolýyna tilektestik bildirdi.
Óz kezeginde, Qazaqstan Elshisi eki el arasyndaǵy dostyq qarym-qatynastardy nyǵaıtýǵa bar kúsh-jigerin salatynyna sendirdi. 
