Qazaqstan elshisi Ózbekstannyń Olıı Majlısi Senatynyń tóraǵasymen kezdesti

TAShKENT. QazAqparat - Qazaqstan Respýblıkasynyń Ózbekstandaǵy Tótenshe jáne Ókiletti Elshisi Darhan Satybaldy Ózbekstan Respýblıkasynyń Olıı Majlısi Senatynyń tóraǵasy Nıgmatılla Iýldoshevpen kezdesti, dep habarlaıdy QazAqparat tilshisi.

Kezdesý barysynda N.Iýldoshev Qazaqstannyń qarqyndy damýyna joǵary baǵa berip, Ózbekstan Nur-Sultan qalasymen jan-jaqty qarym-qatynasty damytýǵa Ortalyq Azııa óńirindegi negizgi seriktesi retinde úlken mán beretinin atap ótti.

Óz kezeginde elshi Darhan Satybaldy suhbattasýshyny Qazaqstandaǵy sońǵy saıası jáne áleýmettik-ekonomıkalyq ózgerister, atap aıtqanda, aldaǵy prezıdenttik saılaý týraly habardar etti.

Qazaqstandyq dıplomat eki el kóshbasshylarynyń ózara túsinistigine negizdelgen birlesken jumystyń arqasynda elder ekijaqty jáne kópjaqty ózara is-qımyldy nyǵaıtýda joǵary nátıjelerge qol jetkizgenin atap ótti.

Osy oraıda eki eldiń zań shyǵarýshy organdary arasyndaǵy, onyń ishinde QR Parlamentteri Palatalarynyń basshylary arasynda saparlar almasý arqyly yntymaqtastyqty damytýdyń mańyzdylyǵy aıtyldy.

Áńgime sońynda Senat tóraǵasy Qazaqstannyń Ózbekstandaǵy elshisine baýyrlas elder arasyndaǵy qatynastardy odan ári keńeıtý jolyndaǵy jumysyna tolaǵaı tabystar tiledi.