Qazaqstan Elshisi Ońtústik Afrıka Respýblıkasynyń Prezıdentine senim gramotalaryn tapsyrdy

SÝANE (Pretorııa). QazAqparat – Qazaqstan Respýblıkasynyń Elshisi Erkin Ahınjanov Ońtústik Afrıka Respýblıkasynyń Prezıdenti Sırıl Ramaposaǵa senim gramotalaryn tabys etti. Bul týraly QazAqparat Syrtqy ister mınıstrliginiń resmı saıtyna silteme jasap habarlaıdy.

Saltanatty rásim barysynda Elshi E. Ahınjanov Qazaqstan Prezıdenti Qasym-Jomart Toqaevtyń jyly lebizderi men izgi tilekterin jetkizip, Astananyń Pretorııamen uzaq merzimdi yntymaqtastyqty odan ári nyǵaıtýǵa jáne keńeıtýge, sonyń ishinde saýda-ınvestıtsııalyq, mádenı-gýmanıtarlyq jáne ózge de salalardaǵy saıası dıalog pen ózara is-qımyldy jandandyrý arqyly múddeliligin qýattady.

Óz kezeginde, Prezıdent S. Ramaposa ózara qyzyǵýshylyq týdyratyn barlyq salalardaǵy yntymaqtastyqty damytýǵa jáne tereńdetýge daıyn ekenin bildirdi, sondaı-aq Elshini resmı qyzmetke kirisýimen quttyqtap, ekijaqty qarym-qatynastardy odan ári nyǵaıtýǵa tabys tiledi.