Qazaqstan Elshisi Oman Sultanyna senim gramotalaryn tapsyrdy

MASKAT. QazAqparat – Qazaqstan Respýblıkasynyń Oman Sultandyǵyndaǵy Elshisi Nájmedın Muhametáliuly Oman Sultany Heısam ben Tarıq ál-Saıdke senim gramotalaryn tabystady, dep habarlaıdy QazAqparat QR SІM baspasóz qyzmetine silteme jasap.

Saltanatty rásim barysynda dıplomat Prezıdent Qasym-Jomart Toqaevtyń ystyq sálemdemesi men izgi tilekterin jetkizip, Qazaqstan tarapynyń yntymaqtastyqty jan-jaqty damytýǵa múddeli ekenin atap ótti. Osy rette, eki el arasyndaǵy ekonomıkalyq, ınvestıtsııalyq jáne mádenı árekettestikti odan ári keńeıtý maqsatynda úkimetaralyq komıssııany qurýdyń mańyzdylyǵy aıtyldy.

Óz kezeginde, Sultan Heısam ben Tarıq Qazaqstandy óz eliniń senimdi ári mańyzdy áriptesi retinde qarastyryp, ekijaqty qarym-qatynasty ári qaraı tereńdetýge ázirligin jetkizdi.