Qazaqstan elshisi Norvegııany azat etý jolynda qaza tapqan sarbazdardy eske aldy

ASTANA. QazAqparat - 9 mamyrda Oslo qalasynda Norvegııa Koroldigindegi Qazaqstan Respýblıkasynyń elshisi Qaırat Ábýseıitov Jeńis kúnine oraı ««Vestre gravlıýnd» zıratynda keńes sarbazdarynyń eskertkishterine gúl qoıý rásimine qatysty, dep habarlaıdy QazAqparat elshiliktiń baspasóz qyzmetine silteme jasap.

Saltanatty rásimdi Norvegııa Koroldigi gvardııasy qurmetti kúzetiniń kerneıshisi ashty.

Norvegııa astanasyndaǵy zıratta Ekinshi dúnıejúzilik soǵys jyldary Norvegııany azat etý kezinde qaza tapqan 347 keńes sarbazyna eskertkish qoıylǵan. Eskertkishterde «Norvegııa sizderge alǵys aıtady» degen jazý jazylǵan.
 

13 myń keńes sarbazy, sonyń ishinde qazaqstandyqtar Norvegııa táýelsizdigi úshin janyn qıǵan.

Sol kúni Q.Ábýseıitov Serbııa elshisi Sýzanna Boshkovıch - Prodanovıchtiń qatysýymen Ekinshi dúnıejúzilik soǵysta Norvegııada qaza tapqan ıýgloslavııalyq partızandardyń eskertkishine gúl shoqtaryn qoıdy.