Qazaqstan Elshisi Mysyr Prezıdentine senim gramotalaryn tapsyrdy

KAIR. QazAqparat - Qazaqstan Respýblıkasynyń Elshisi Qaırat Lama Sharıf «ál-Ittıhadııa» prezıdenttik saraıynda Mysyr Arab Respýblıkasynyń Prezıdenti Ábdel Fattah as-Sısıge senim gramotalaryn tapsyrdy, dep habarlaıdy QazAqparat.

QR Syrtqy ister mınıstrliginen málim etkendeı, saltanatty rásimde qazaqstandyq dıplomat sondaı-aq, Memleket basshysy Qasym-Jomart Toqaevtyń izgi tilekterin jetkizdi.

«Óz kezeginde Mysyr Prezıdenti Elshi Q.Lama Sharıfqa jańa jaýapty qyzmetine tabystar tileı otyryp, Qazaqstan basshylyǵyna dostyq lebizderin bildirdi.

Mysyr Prezıdentine Eýropa odaǵy, Belgııa, Danııa, Nıderland, Portýgalııa, Majarstan, Koreıa Respýblıkasy, Izraıl, Sýdan, Bangladesh, Efıopııa, Ýrýgvaı, Lesoto elshileri jáne Vatıkan nýntsııi de senim gramotalaryn tapsyrdy», - delingen SІM aqparatynda.