Qazaqstan Elshisi Monako Knıazine senim gramotalaryn tapsyrdy
MONAKO. QazAqparat – Qazaqstannyń Frantsııadaǵy jáne Monakodaǵy qosa atqarýshy Elshisi Gúlsara Arystanqulova Monako Knıazi Alber II-ge senim gramotalaryn tabys etti. Bul týraly QazAqparat Syrtqy ister mınıstrligine silteme jasap habarlaıdy.
Senim gramotalaryn tapsyrý rásiminen keıin ótken suhbat barysynda Elshi QR Prezıdenti Qasym-Jomart Toqaevtyń jyly lebizin jetkizip, Qazaqstannyń eki el arasyndaǵy baılanystardy odan ári keńeıtýge jáne nyǵaıtýǵa múddeliligin rastady.
Qazaqstandyq dıplomat Monako Knıazin eldegi aýqymdy saıası jáne áleýmettik-ekonomıkalyq ózgeristermen tanystyryp, Qazaqstannyń halyqaralyq bastamalary, atap aıtqanda 8-9 maýsymda ótken Astana halyqaralyq forýmy týraly aıtyp berdi.
Óz kezeginde Monako Knıazi Monako men Qazaqstan arasyndaǵy dostyq pen jemisti yntymaqtastyqty jan-jaqty nyǵaıtýǵa erekshe mán beretinin atap ótip, Prezıdent Qasym-Jomart Toqaevqa eldi jańǵyrtý jónindegi mańyzdy ózgeristerdi iske asyrýda, al Qazaqstan halqyna baq-bereke tiledi.
