Qazaqstan elshisi Meksıka prezıdentine senim gramotalaryn tabys etti
ASTANA. QazAqparat - 11 mamyrda Qazaqstan Respýblıkasynyń Meksıka Qurama Shtattaryndaǵy Elshisi Andrıan Elemesov Meksıkanyń Prezıdenti Enrıke Penıa Netoǵa senim gramotalaryn tabys etti, dep habarlady QR SІM baspasóz qyzmetinen.
Meksıka memleketiniń basshysymen suhbat barysynda qazaqstandyq dıplomat ekijaqty qatynastardyń odan ári damýynyń keleshegin talqylap, sharttyq-quqyqtyq bazany keńeıtý, týrıstik áleýetin damytý, saýda-ekonomıkalyq yntymastyqtyń arttyrýy jáne Qazaqstandy Meksıkanyń Elektrondy vızalar júıesine qosýynyń mańyzdylyǵyn atap ótti.
Ol meksıkalyq taraptyń 2017-2018 jyldary BUU Qaýipsizdik Keńesiniń turaqty emes músheligine Qazaqstannyń kandıdatýrasyna qoldaý kórsetkenine alǵysyn bildirip, Astana qalasynda ótetin «EKSPO-2017» kórmesine Meksıkanyń qatysý, eki el arasynda joǵary deńgeıde baılanysty jandandyrý máselelerin qozǵady.
E.Penıa Neto meksıkalyq taraptyń Qazaqstan men Meksıka arasyndaǵy qatynastarynyń jan-jaqty damýyna daıyn ekendigin jetkizdi.
