Qazaqstan Elshisi Malaızııanyń Memleket basshysyna senim gramotalaryn tapsyrdy
KÝALA-LÝMPÝR. QazAqparat - Malaızııanyń Korol saraıynda Qazaqstannyń Elshisi Bolat Imanbaevtyń Malaızııanyń memleket basshysy - eldiń Joǵarǵy Bıleýshisi Sultan Abdýllaǵa Senim gramotalaryn tapsyrý saltanatty rásimi ótti, dep habarlaıdy QazAqparat QR SІM saıtyna silteme jasap.
Mınıstrliktiń málimetinshe, elshi Qazaqstan Prezıdenti Qasym-Jomart Toqaevtyń atynan Malaızııanyń Memleket basshysyna jyly quttyqtaýlaryn joldap, elimizdiń Malaızııamen ózara tıimdi yntymaqtastyqty ári qaraı keńeıtý men nyǵaıtýǵa qyzyǵýshylyǵyn rastady.
Saltanatty rásiminen keıin ótken ekijaqty kezdesý barysynda B.Imanbaev Qazaqstan men Malaızııa arasyndaǵy saýda-ekonomıkalyq jáne ınvestıtsııalyq qarym-qatynastary joǵary deńgeıimen erekshelenetinin atap ótti. Atap aıtqanda, 2019 jyldyń 4 aı qorytyndysy boıynsha Qazaqstan-Malaızııa arasyndaǵy saýda kólemi 2018 jyldyń kezeńimen salystyrǵanda 6 eseden artqanyna nazar aýdardy.
Malaızııanyń memleket basshysy táýelsizdik jyldarynda Qazaqstannyń jetistikterin joǵary baǵalap, eki el arasyndaǵy ózara tıimdi, dástúrli dostyq baılanystardy odan ári nyǵaıtýǵa ázirligin rastady.
Malaızııanyń memleket basshysy Qazaqstannyń Tuńǵysh Prezıdenti – Elbasy Nursultan Nazarbaevqa jáne jańadan saılanǵan Prezıdenti Q.Toqaevqa óziniń sálemin joldap, Qazaqstan halqyna odan ári órkendep, gúldene berýin tiledi.
