Qazaqstan Elshisi Qytaı Tóraǵasyna senim gramotasyn tapsyrdy

BEIJІŃ. QazAqparat – Búgin Qazaqstannyń Qytaıdaǵy Elshisi Shahrat Nuryshev Qytaı Halyq Respýblıkasynyń Tóraǵasy Sı Tszınpınge senim gramotasyn tapsyrdy. QazAqparat bul týraly QR Syrtqy ister mınıstrligine silteme jasap habarlaıdy.

«Saltanatty rásim sheńberindegi qysqasha áńgimelesý barysynda QHR Tóraǵasy Qazaqstan Prezıdenti Qasym-Jomart Toqaevqa jyly sálemin jetkizdi. Qytaı basshysy Elshige eki el arasyndaǵy máńgilik jan-jaqty strategııalyq áriptestikti odan ári tereńdetý maqsatyndaǵy eńbegine sáttilik tiledi.

Óz kezeginde Sh. Nuryshev Memleket basshysynyń izgi tilekterin jetkize otyryp, Qazaqstannyń Elshisi laýazymynda ekijaqty strategııalyq áriptestikti jańa sapaly deńgeıge kóterý úshin barlyq kúsh-jigerin salatynyna sendirdi», - delingen SІM málimetinde.