Qazaqstan Elshisi qytaı halqyna «kóktem» merekesine oraı sálem joldady
ASTANA. QazAqparat - Qazaqstan Respýblıkasynyń QHR-daǵy Elshisi Shahrat Nuryshev kóktem merekesiniń kelýine baılanysty qytaı halqyna merekelik sálem joldady, dep habarlaıdy QazAqparat.
Elshiniń quttyqtaýy búgin qytaıdyń «Halyq gazeti» saıtynda jarııalandy. Onda Shahrat Nuryshev Qazaqstan men Qytaı dıplomatııalyq qarym-qatynas ornatqannan beri barlyq saladaǵy baılanystyń tereńdep, eki eldiń san ǵasyrdan bergi dástúrli dostyq qarym -qatynasynyń nyǵaıyp jan -jaqty strategııalyq seriktestik ornatqanyn atap ótken.
«2017 jyl eki el qarym-qatynasynyń damý tarıhyndaǵy erekshe jylǵa aınaldy. Mamyr aıynda QR Prezıdenti Nursultan Nazarbaev Qytaıǵa resmı saparmen keldi jáne Beıjińde ótken «Bir beldeý, bir jol» halyqaralyq yntymaqtastyq forýmyna qatysty. Al maýsym aıynda QHR Tóraǵasy Sı Tszınpın Qazaqstanǵa memlekettik saparmen baryp, Shanhaı yntymaqtastyq uıymynyń sammıti men EXPO-2017 halyqaralyq kórmesiniń ashylýyna qatysty»,-delingen quttyqtaýda.
Sonymen birge Elshi Qytaı eliniń gúldenip, odan ári damýyn, Jańa jylda ár otbasyna tabys, densaýlyq baqyt tileıtinin aıtqan.
