Qazaqstan Elshisi Kýveıt Ámirine senim gramotasyn tapsyrdy

NUR-SULTAN. QazAqparat - Qazaqstan Elshisi Azamat Berdibaı «Baıan» saraıynda Kýveıt Ámiri sheıh Naýýaf ál-Ahmed ál-Djaber as-Sabahqa senim gramotalaryn tapsyrdy.

Bul týraly QazAqparat QR Syrtqy ister mınıstrliginiń baspasóz qyzmetine silteme jasap habarlaıdy.

Resmı rásimnen keıin oryn alǵan suhbat barysynda Elshi Ámirge Prezıdent Qasym-Jomart Toqaevtyń jyly lebizderi men dostyq tilekterin jetkizip, Qazaqstan bul memleketpen yntymaqtastyqty arttyrýǵa úlken mán beretinin aıtty.

Dıplomat suhbattasýshyn elimizdiń ózekti syrtqy saıası jáne ekonomıkalyq bastamalarymen tanystyryp, eki el arasyndaǵy dostyq qatynastardy nyǵaıtý úshin bar kúsh-jigerin salatynyna sendirdi.

Ámir memleketimizdiń jetistikterin joǵary baǵalap, oǵan odan ári órkendeý men tabys tiledi jáne Qazaqstanmen saıası jáne ekonomıkalyq baılanystardy odan ári keńeıtýge múddeliligin bildirdi.