Qazaqstan elshisi Koreıa Prezıdentine senim gramotalaryn tapsyrdy

SEÝL. QazAqparat - Qazaqstan Respýblıkasynyń Elshisi Baqyt Dúısenbaev Koreıa Respýblıkasynyń Prezıdenti Mýn Chje Inge senim gramotalaryn tapsyrdy. Bul týraly QazAqparat SІM baspasóz qyzmetine silteme jasap habarlaıdy.

Senim gramotalaryn tapsyrý saltanatty is-shara barysynda B.Dúısenbaev eki el arasyndaǵy strategııalyq áriptestiktiń joǵary deńgeıin jáne Qazaqstan-Koreıa yntymaqtastyǵyn jan-jaqty nyǵaıtýǵa degen  Astananyń birizgi baǵytyn atap ótti.

Buǵan qosa, Qazaqstannyń Elshisi Koreıa Respýblıkasy basshylyǵynyń Koreı túbegindegi beıbitshilik ornatý men álemdik qaýipsizdikti nyǵaıtýǵa degen talpynysyna joǵary baǵa berdi. Sonymen qatar, B. Dúısenbaev Qazaqstan ıadrolyq synaqtardyń barlyq zardabyn shekken jáne ıadrolyq arsenaldan óz erkimen bas tartqan memleket retinde KHDR-nyń ıadrolyq qarý máselesin sheshýdegi beıbit dıalogtan basqa balama joqtyǵyn ustanyp, ıadrolyq qarýsyzdanýǵa qatysty óz tájirıbesimen bólisýge daıyn ekenin atap ótti.

Koreıa Respýblıkasynyń Prezıdenti Mýn Chje In Qazaqstan Prezıdenti Nursultan Nazarbaevtyń basshylyǵymen eldiń damýyna joǵary baǵa berip, Qazaqstanmen eki memleket úshin basym salalarda ekijaqty yntymaqtastyqty odan ári damytýǵa degen Ońtústik Koreıa tarapynyń nıetin rastady. Sonymen qatar, Ońtústik Koreıanyń basshysy jaqyn arada Qazaqstanǵa saparmen barýǵa óziniń nıetin rastady.