Qazaqstan elshisi Kanada Parlamenti Senatynyń tóraǵasymen telefon arqyly sóılesti
Qazaqstan Elshisi A.Kamaldınov Qazaqstan men Kanada arasynda qalyptasqan qatynastardyń joǵary deńgeıin jáne olardaǵy eki eldiń parlamentteri deńgeıindegi dıalogtyń erekshe mańyzdylyǵyn atap ótti.
Qazaqstandyq dıplomat Kanada parlamentiniń tóraǵasyna Qazaqstandaǵy saıası ózgerister men Prezıdent Q.Toqaevtyń elde júrgizip otyrǵan demokratııalyq reformalar týraly habardar etti, sondaı-aq 2021 jylǵy 10 qańtarǵa josparlanǵan Qazaqstan Parlamenti Májilisiniń kezekti saılaýy ótetindigin aıtty. A.Kamaldınov kanadalyq depýtattyń nazaryn 2019 jáne 2020 jyldary Qazaqstanda birqatar zańdarǵa engizilgen túzetýler azamattyq qoǵamdy damytý, kóppartııaly júıeni qurý, saıası básekelestikti jáne Qazaqstandaǵy pikirlerdiń plıýralızmin qamtamasyz etý jolynda mańyzdy jetistikter bolyp tabylady dedi.
Cuhbat barysynda parlamentaralyq yntymaqtastyq máseleleri boıynsha jan-jaqty pikir almasýlar boldy. Taraptar kelesi jyly ótetin ekijaqty is-sharalardyń kún tártibine, sondaı-aq Qazaqstan-Kanada parlamenttik dostyq tobynyń qyzmetin qalpyna keltirýge erekshe nazar aýdardy.
Dj.Fıýrı Qazaqstandy Kanadanyń senimdi jáne turaqty seriktesi dep atady jáne eldiń saıası júıesin jańartý maqsatynda júrgizilip jatqan reformalarǵa oń baǵa berdi. Onyń aıtýynsha, Qazaqstan Kanadanyń Ortalyq Azııadaǵy eń iri seriktesi bolyp tabylady jáne bizdiń elderimiz taýar aınalymyn odan ári arttyrý úshin úlken áleýetke ıe. Senat Tóraǵasy sonymen qatar Qazaqstan men Kanada arasyndaǵy parlamenttik dıalogty damytýǵa yqpal etýge daıyn ekenin bildirdi.
Suhbattyń sońynda Dj.Fıýrı jan-jaqty pikir almasqany úshin alǵysyn bildirip, kele jatqan Qazaqstan Táýelsizdiginiń 29 jyldyǵy merekesimen quttyqtady.
