Qazaqstan elshisi Danııa patshaıymyna senim gramotalaryn tapsyrdy
«Amalıenborg» patsha saraıynda ótken saltanatty rásimnen keıin dat memleketiniń basshysynda aýdıentsııa ótip, ol Qazaqstan halqyn Táýelsizdik kúnimen quttyqtady. Jyly jaǵdaıda ótken áńgime barysynda Qazaqstan men Danııa arasyndaǵy jan-jaqty baılanystardy tereńdetý jáne keńeıtý joldary qozǵaldy. Patshaıym elimizdiń ejelgi tarıhy men ózindik mádenıetin atap ótip, taraptar ekijaqty mádenı-gýmanıtarlyq qatynastardyń túrli aspektilerine toqtaldy. Margrete II Elshige Qazaqstan men Danııa yntymaqtastyǵyn nyǵaıtý jolyndaǵy jumysynda tabystar men jemis tiledi.
«Sapar baǵdarlamasy sheńberinde Q.Ábdirahmanovtyń Danııanyń Syrtqy ister mınıstriniń halyqaralyq saıasat máseleleri jónindegi orynbasary L.Zılmer-Djons, Folketıngtiń (Parlamenttiń) Syrtqy ister jónindegi komıtetiniń tóraǵasy M. Knýtpen kezdesýleri ótip, QR basshylyǵynyń bitimgershilik bastamalary usynyldy jáne saıası ózara is-qımyldyń túrli aspektileri boıynsha, onyń ishinde BUU, EQYU jáne basqa da halyqaralyq jáne óńirlik uıymdar men olardyń parlamenttik assambleıalary sheńberinde pikir almasý boldy. Jetekshi dat ekonomıkalyq qurylymdary – Ónerkásipshiler konfederatsııasy men Eksporttyq-nesıe agenttigi jáne Danııa SІM janyndaǵy saýda keńesiniń basshylyǵymen kezdesý barysynda saýda men ınvestıtsııalarǵa basty nazar bólindi» delingen habarlamada.
Álemniń túkpir-túkpirinde tájirıbesi keń qoldanylatyn bul el - Qazaqstan úshin óte perspektıvaly seriktes jáne ekonomıka men qoǵamnyń damý turaqtylyǵyn baǵalaıtyn barlyq halyqaralyq reıtıngterde aldyńǵy qatarly pozıtsııalardy ıelenedi. Joǵary deńgeıdegi alǵashqy baılanys QR Tuńǵysh Prezıdenti – Elbasy N.Nazarbaevtyń 2000 jylǵy qazanda koroldikke resmı sapary kezinde oryn aldy. 2019 jylǵy qańtar-qyrkúıek kezeńinde ózara saýda aınalymy 60 mln AQSh dollary, onyń ishinde eksport 17 mln AQSh dollary jáne ımport 43 mln AQSh dollaryn qurady.
Qazaqstan Danııaǵa negizinen mıneraldy ónimderdi eksporttaıdy jáne hımııa, tamaq ónerkásibi ónimderin, mashınalar men jabdyqtardy, aspaptar men apparattardy ımporttaıdy.
Búgingi tańda elimizde 30-dan astam birlesken kásiporyn tirkelgen.