Qazaqstan elshisi Chehııanyń eks-prezıdentimen kezdesti
ASTANA. QazAqparat - Qazaqstan elshisi Serjan Ábdikárimov Chehııa Respýblıkasynyń burynǵy prezıdenti Vatslav Klaýspen kezdesti, dep habarlaıdy «QazAqparat» HAA QR SІM-iniń baspasóz qyzmetine silteme jasap.
Áńgime barysynda cheh saıasatkeri parlament saılaýynan keıingi eldiń ishki saıası ahýaly jaıly kózqarastarymen bólisti. Óz kezeginde qazaqstandyq dıplomat eldiń qazirgi saıası jáne ekonomıkalyq damý jaǵdaıyn aıta kele, Qazaqstan jáne Chehııa arasyndaǵy dıplomatııalyq qatynastardyń ornaǵanyna 25 jyl tolýyna oraı (2018 jyldyń 1 qańtary) ótkiziletin sharalar jaıly Elshilik josparlarymen tanystyrdy.
