Qazaqstan Elshisi Belgııa Koroline senim gramotalaryn tapsyrdy
ASTANA. QazAqparat - Qazaqstannyń Belgııadaǵy Elshisi Aıgúl Quspan Belgııa Koroli Fılıpke senim gramotalaryn tabys etti, dep habarlaıdy QR SІM baspasóz qyzmeti.
Saltanatty rásimnen keıin eki el arasyndaǵy saıası dıalogty jańa deńgeıge kóterý, saýda-ekonomıkalyq jáne mádenı baılanystardy jandandyrý máseleleri talqylandy.
Korol Qazaqstan «uly tarıhy bar, keń áleýetke ıe úlken el ekendigin» atap ótip, Qazaqstandaǵy bastamalarǵa qyzyǵýshylyq tanytty.
Elshi Belgııa Koroline Prezıdent Nursultan Nazarbaevtyń bastamasymen júzege asyrylyp jatqan áleýmettik-ekonomıkalyq jáne saıası reformalar týraly málimdedi jáne osy reformalardyń 2050 jylǵa deıin Qazaqstannyń aldyńǵy qatarly damyǵan 30 memlekettiń qataryna kirýin qamtamasyz etýdi kózdeıtinin jetkizdi. Bul reformalar Belgııa jáne Qazaqstan úshin teń mańyzdylyqqa ıe ulttyń tutastylyǵyn saqtaý, etnosaralyq dıalogty damytýdaǵy Elbasymyzdyń sátti saıasatyna da negizdeletini erekshe atalyp ótildi. Sonymen qatar, 6 shildede elordamyz Astananyń 20 jyldyǵy toılanatynyna nazar aýdaryp, osyndaı qysqa merzimde Astana halyqaralyq forýmdardyń alańyna, sondaı-aq bıznes, qarjy jáne jańa tehnologııalardyń habyna aınalǵandyǵyn atap ótti.
Saıası dıalogty jáne saýda-ekonomıkalyq yntymaqtastyqty nyǵaıtýda naqty usynystar aıtyldy. Qazaqstandyq dıplomat Belgııanyń 2019-2020 jyldarǵa BUU Qaýipsizdik Keńesiniń turaqty emes músheligine saılanýymen quttyqtap, eki elimizdiń BUU sheńberinde jáne halyqaralalyq arenadaǵy ustanymdarynyń jaqyndyǵyn atap ótti. Saýda-ekonomıkalyq salada aımaqtyq jáne federaldy iskerlik toptardyń Qazaqstanǵa ekonomıkalyq mıssııalary, sondaı-aq belgııalyq kompanııalardyń elimizdegi jumysy quptaldy.
Belgııa Koroli Fılıpp Prezıdent Nursultan Nazarbaevqa iltıpatyn bildirip, Qazaqstannyń Elbasy basshylyǵymen zor jetistikterge qol jetkizgenin aıtty. Elimizdiń halyqaralyq beıbitshilik pen qaýipsizdikti nyǵaıtý jolyndaǵy bastamalaryna joǵary baǵa berdi. Sonymen qatar, ol óziniń 2002 jáne 2009 jyldary Baıqońyrǵa saparlaryn, 2010 jyly úlken bıznes-delegatsııany basqaryp Qazaqstanǵa jasaǵan saparyn jáne 2014 jyly Brıýsselde Prezıdent N.Nazarbaevpen ótken kezdesýlerdi iltıpatpen eske aldy. Suhbat sońynda Korol Elshige eki el arasyndaǵy yntymaqtastyqty arttyrý jolyndaǵy jumysyna sáttilik tiledi.
