Qazaqstan elshisi ardagerlermen kezdesti - Máskeý
ASTANA. 5 mamyr. QazAqparat - Uly Jeńis kúni qarsańynda Qazaqstannyń Reseıdegi elshisi Zaýytbek Turysbekov Máskeýde turatyn qazaqstandyq ardagerlermen kezdesti,
dep habarlady syrtqy saıasat vedomstvosynyń baspasóz qyzmetinen.
Dıplomat qonaqtardy kele jatqan jarqyn merekemen quttyqtap, erlikteri úshin ardagerlerge alǵys bildirdi jáne qazaqstandyqtardyń Uly Jeńiske qosqan úlesterin atap kórsetti.
«Sizderdiń erlikterińiz, Otanǵa jáne halyqqa sheksiz berilgenderińiz - búgingi óskeleń urpaqty tárbıeleýdiń berik negizi, Otanǵa degen patrıottyq sezimniń shynaıy úlgisi», - dep atap kórsetti elshi óz sózinde.
Ardagerlerge eskertkish syılyqtar tabys etildi. Olar óz kezekterinde, kórsetip otyrǵan qamqorlyqtar úshin Qazaqstan Prezıdenti N.Nazarbaevqa jáne Qazaqstan elshiligine rızashylyqtaryn bildirdi.
