Qazaqstan Elshisi Andorranyń teń Knıazine senim gramotalaryn tabys etti
ASTANA. QazAqparat - 22 mamyr kúni Qazaqstan Respýblıkasynyń Ispanııadaǵy Tótenshe jáne Ókiletti Elshisi jáne Andorra Knıazdigindegi Tótenshe jáne Ókiletti Elshisi qyzmetin qosa atqarýshy Baqyt Dúısenbaev Andorranyń teń Knıazi Joan Enrık Vıves-ı-Sısılıaǵa senim gramotalaryn tabys etti, dep habarlady QR SІM baspasóz qyzmetinen.
Kezdesý barysynda taraptar ekijaqty qatynastardyń keleshegin talqylap, halyqaralyq jáne aımaqtyq máseleler boıynsha pikir almasty. Sonymen birge, sapar aıasynda Andorra Syrtqy ister mınıstri Jılber Saboııa Sýnemen kezdesý ótti. Kezdesý barysynda ekijaqty yntymaqtastyq máseleleri, sondaı-aq týrızm, bank salasy jáne Qazaqstannyń BUU QK-ne kandıdatýrasyn qoldaý máseleleri talqylandy.
