Qazaqstan elordasy «Sparta Nomadty» qarsy aldy
ASTANA. QazAqparat - Máskeýde ótken «KVN» Joǵary lıgasynyń fınalynda birinshi oryndy jeńip alǵan «Sparta Nomad» komandasy elge oraldy, dep habarlaıdy «QazAqparat» HAA.
20 jeltoqsan kúni tańerteń «KVN» Joǵary lıgasy-2017 jeńimpazdary Astana áýejaıyna ushyp keldi. Belgili shoýmen, akter ári prodıýser Nurlan Qoıanbaev birinshiler qatarynda «Sparta Nomad» komandasyn quttyqtady.
Jeńimpaz komandanyń kapıtany Danııar Jumadilov qoldaý kórsetkeni úshin qazaqstandyqtarǵa alǵys bildirdi. Kóńildiler jáne tapqyrlar klýbynda Qazaqstannyń namysyn qorǵaǵan komanda osy jeńisin QR Táýelsizdik kúnine arnady.
Astanalyq komanda 2016 jyly «KVN» Joǵary lıgasynyń sońǵy úsh fınalynda ekinshi orynǵa qanaǵattanyp kelgen edi. Bıyl Máskeý tórinde juldyzy janǵan «Sparta Nomad» aldyna jan salmady. Komanda maýsymdaǵy barlyq oıynda, sonyń ishinde «Altyn Kıvınde» de jeńiske jetti.
Elordada «Sparta Nomadty» komandanyń jankúıerleri jáne ónerpazdardyń dostary zor qoshemetpen qarsy aldy.
