Qazaqstan elimizdiń orta jáne joǵary oqý oryndarynda 1000 aýǵan mamanyn daıyndaý úshin 50 mln. dollar bóledi
amyrdyń 17-si. QazAqparat /Ernur Aqanbaı/ - Qazaqstan 2010 jyldan bastap aldaǵy bes jyldyń ishinde elimizdiń orta jáne joǵary oqý oryndarynda 1000 aýǵandyq mamandy daıyndaý úshin 50 mln. dollar bóletin bolady. Bul týraly búgin Astanadaǵy aptalyq brıfıngte QR Syrtqy ister mınıstrliginiń resmı ókili Asqar Ábdirahmanov málim etti,
dep habarlaıdy QazAqparat.
Onyń aıtýynsha, qazirgi ýaqytta Qazaqstan Aýǵanstanǵa 4 mln. dollardyń gýmanıtarlyq qoldaýyn kórsetken. Ol qarjy atalmysh eldegi joldardy, mektepter men aýrýhanalardy qaıtadan qalpyna keltirýge baǵyttalǵan. Al, sońǵy jyldarda Qazaqstan Aýǵanstanǵa gýmanıtarlyq kómek retinde 3 myń tonna azyq-túliktik bıdaı jáne aǵymdaǵy jyldyń naýryz aıynda 6 myń tonna kúrish jibergen.
A. Ábdirahmanov EQYU-nyń is basyndaǵy tóraǵasy, QR Memlekettik hatshysy-Syrtqy ister mınıstri Qanat Saýdabaev qazirgi ýaqytta Aýǵanstanda resmı saparmen júrgenin eske salyp ótti. «Sapar barysynda Q. Saýdabaevtyń Aýǵanstan Prezıdenti Hamıt Karzaımen, Aýǵanstannyń Syrtqy ister mınıstri Zılmaı Rasýlmen, BUU Bas hatshysynyń Aýǵanstandaǵy arnaıy ókili Stefan De Mıstýroımen jáne Eýropalyq Odaqtyń Aýǵanstandaǵy arnaıy ókili Vıgaýdas Ýshatskaspen kezdesýleri josparlanǵan», dedi.
