Qazaqstan elektrondyq saýdany damytýǵa nıetti - B.Saǵyntaev
HANChJOÝ. QazAqparat - Elektrondyq saýda salasy Qazaqstan ekonomıkasynyń naqty sektorlaryn damytýdyń mańyzdy salalarynyń biri bolyp tabylady, dep málimdedi QR Premer-Mınıstriniń birinshi orynbasary Baqytjan Saǵyntaev QHR Chjetszıan provıntsııasynyń Hanchjoý qalasyndaǵy «JUMORE E-commerce Co., Ltd» basqarmasynyń tóraǵasy Lý Hýnsıanmen kezdesý barysynda.
«Sarapshylardyń baǵalaýynsha, Qazaqstan Eýrazııalyq ekonomıkalyq odaq elderi úshin logıstıka jáne elektrondyq kommertsııa ortalyǵyna aınalyp, e-kommertsııa úlesin jalpy álemdik kórsetkishke ıaǵnı, eldegi bólshek saýdanyń jalpy kóleminiń 4 paıyzyna jetkize alady. Bul úshin logıstıka tásilderin qaıta qarap, taýarlar jetkizý jelisin damytyp, bank qyzmetter spektrin keńeıtý qajet», - dedi ol.
B. Saǵyntaev Qazaqstan birneshe jyl boıy ındýstrıaldyq-ınnovatsııalyq damý josparyn iske asyryp kele jatqanyn atap ótti.
Onyń aıtýynsha, e-kommertsııany damytýdaǵy Qytaı tájirıbesi Qazaqstannyń qyzyǵýshylyǵyn týdyrýda. Bul rette qytaı tarapy «Internet+» baǵdarlamasyn iske asyrý aıasynda Qazaqstanmen yntymaqtastyqty retteýge, ınternet-saýda, ınternet-ındýstrııa, jańa sandyq tehnologııalar, jelilik bazalar salasynda yntymaqtastyqtyń jańa tetikterin óńdeýge ázir ekenin bildirdi.
