Qazaqstan elektrondy úkimetti damytý boıynsha TMD elderi arasynda kósh bastady
Sońǵy bes aıda elimizde 16 mıllıonǵa jýyq memlekettik qyzmet elektrondy formatta kórsetilgen.Qazaqstandaǵy karantındik shekteý sharalaryn uzartý jaǵdaıynda qyzmetterdi, onyń ishinde memlekettik qyzmetti elektrondy formatta kórsetý kúnnen-kúnge ózekti ári mańyzdy bolyp keledi. Qazirgi ýaqytta halyq memlekettik qyzmetterdi elektrondy túrde alýǵa aıtarlyqtaı daıyn.
Osylaısha 2019 jyldyń aıaǵynda 6-74 jas aralyǵyndaǵy kompıýter qoldanýshylar úlesi 82,2% deıin ósti (bir jyl buryn - 80,3%), al Internetti paıdalanýshylar úlesi 84,2% ósti (ótken jylǵy ósim - 81, 3%). Jalpy, 6-74 jas aralyǵyndaǵy halyqtyń tsıfrlyq saýattylyq deńgeıi bir jylda 79,6% -dan 82,1% -ǵa ósken.
Qazirgi ýaqytta memlekettik qyzmetterdiń 82% astamy avtomattandyrylǵan, al 2020 jyldyń sońyna deıin bul kórsetkishti 90% jetkizý josparlanǵan. Memlekettik qyzmetterdi qazaqstandyqtar egov.kz elektrondyq qyzmetter portaly, MGov mobıldi qosymshasy jáne Telegram bot arqyly onlaın alýǵa bolady.
Jeliden tys offlaın rejımde «Azamattarǵa arnalǵan úkimet» memlekettik korporatsııasynyń front keńseleriniń birine júginýge bolady. Bıylǵy bes aıda QR Elektrondy úkimet portalynda 16 mıllıonǵa jýyq memlekettik qyzmet kórsetilgen.
Onyń ishinde suranysqa ıe bolǵan qyzmet – tótenshe jaǵdaı kezeńinde mindetti áleýmettik saqtandyrý júıesine qatysýshylarǵa áleýmettik tólemderdi taǵaıyndaýdy tirkeý boldy - 8,1 mln qyzmet.
Memlekettik qyzmetterdi avtomattandyrý jáne ońtaılandyrý - «Tsıfrlyq Qazaqstan» memlekettik baǵdarlamasynyń negizgi baǵyttarynyń biri boldy. BUU qurǵan elektrondyq úkimetti damytýdyń jahandyq reıtınginde Qazaqstan álemniń 190 eli arasynda 29-orynǵa kóterildi (bir jyl buryn - 39 orynda bolǵan).
Bul reıtıngti jasaý barysynda memleketterdiń 2018-2019 jyldary atqarǵan jumystary baǵalanǵan. TMD elderi arasynda Qazaqstan 1 oryn aldy. Odan keıin Reseı (36-oryn), Belarýs (40-oryn), Moldova (79-oryn), Ýkraına (69-oryn), Ózbekstan (87-oryn) elderi tur.
Elektrondy úkimetti damytý boıynsha kóshbasshylardyń úshtigine Danııa, Ońtústik Koreıa jáne Estonııa kirdi. TOP-5 memleket tizimin Fınlıandııa men Avstralııa túıindeıdi.
