Qazaqstan elektrondy astyq qolhaty tetigin keńeıtýge nıetti
ASTANA. QazAqparat - Qazaqstan elektrondy astyq qolhaty tetigin keńeıtýge nıetti. Bul týraly búgin Qazaqstandaǵy astyq naryǵynyń ashyqtyǵyn arttyrý jónindegi konferentsııada elimizdiń Aýyl sharýashylyǵy vıtse-mınıstri Gúlmıra Isaeva málim etti, dep habarlaıdy QazAqparat.
«Biz aǵymdaǵy jyly teńdessiz qadamǵa bardyq. ıAǵnı, ózderińizde biletindeı bıyl Qazaqstan elektrondy astyq qolhaty tetigin engizdi jáne bul da astyq aınalymy ashyqtyǵyn arttyrýdaǵy mańyzdy qadamnyń biri sanalady», - dedi Isaeva.
Osy rette Aýyl sharýashylyǵy vıtse-mınıstri Qazaqstannyń osynaý teńdessiz tájirıbesin Eýrazııalyq ekonomıkalyq odaq boıynsha seriktesteri jan-jaqty zerdelep jatqandyǵyn basa aıtyp ótti.
«Biz bul tetikti Eýrazııalyq ekonomıkalyq komıssııa alańynda tanystyrdyq. Baǵdarlama jumys istegen birneshe aıdyń ishinde júıeniń barlyq basymdyqtary anyq baıqaldy. Fermerler astyq aınalymyna qatysty aqparattarǵa qoljetimdilik máselesinde elevator kásiporyndarmen birdeı quqyqqa ıe boldy. Al eń bastysy barlyq astyq opeartsııalaryn ashyqtyǵyn qamtamasyz etýdegi bizdiń negizgi maqsatymyzǵa qol jetkizildi», - dedi ol.
Sonymen qatar Isaeva elimizdiń bul tájirıbesi Birikken ulttar azyq-túlik jáne aýyl sharýashylyǵy uıymy úshin de qyzyqty bolýy múmkin ekendigin basa aıtty.
«Búgingi kúni atalǵan júıede 11 mln. tonnadan astam kólemine 58 myńnan astam astyq qolhaty shyǵaryldy. Bul rette negizgi astyqty úsh oblysta 10,3 mln. tonnadan artyq kólemge 55 myń astyq qolhaty berilgen», - dedi vıtse-mınıstr.
