Qazaqstan elektr stantsııalaryn jańǵyrtýǵa basymdyq beredi
ASTANA. KAZINFORM — Qazaqstanda qoldanystaǵy energetıkalyq nysandardy jańǵyrtýǵa basymdyq beriledi. Bul týraly Energetıka mınıstri Erlan Aqkenjenov Qazaqstan kómir ónerkásibiniń VII forýmynda málim etti.
Mınıstrdiń aıtýynsha, eldegi elektr stantsııalary jabdyqtarynyń edáýir bóligi joǵary deńgeıde tozǵan.
— Sondyqtan qoldanystaǵy qýattardy qalpyna keltirý, apattyq jaǵdaılardyń aldyn alý, stantsııalardyń jumys tıimdiligin arttyrý jáne olardy qaýipsiz paıdalaný merzimin uzartý mańyzdy mindet sanalady, — dedi Erlan Aqkenjenov.
Onyń sózinshe, energetıkalyq nysandardy jańǵyrtý kómir generatsııasyn damytý jónindegi ulttyq jobanyń negizgi baǵyttarynyń biri bolady. Bul jumys energııa júıesiniń senimdiligin kúsheıtýge, táýekelderdi azaıtýǵa jáne qoldanystaǵy qýattardyń turaqty jumysyn qamtamasyz etýge baǵyttalǵan.
Eske salaıyq, buǵan deıin alty qalada jańa kómir generatsııa nysandary salynatyny týraly habarlandy.
