Qazaqstan elektr qýatyn eseptegish quraldardy qaı elderge eksporttap otyr
ASTANA. KAZINFORM — 2024 jyldyń alǵashqy alty aıynda Qazaqstanda elektr energııasyn eseptegishter (kalıbrlengenderdi qosa alǵanda) óndirisiniń aıtarlyqtaı óskeni baıqaldy. Ótken jyldyń sáıkes kezeńimen salystyrǵanda óndiris kólemi 21% ósip, 198,5 myń dana eseptegish qural jasaldy, deıdi ulttyq statbıýrodan.
Sonymen qatar elektr eseptegishteriniń ımporty 27% ósti.
Bıylǵy jyldyń alǵashqy alty aıynda 111,3 myń dana ónim ımporttaldy, al byltyrǵy sáıkes kezeńde ımport kólemi 87,6 myń dana boldy.
Shetelden keletin ónimniń naryqtaǵy úlesi — 35,9%.
Aǵymdaǵy jyldyń qańtar-maýsym aılarynda 375 dana eseptegish eksporttaldy.
Qazaqstannyń ishki naryǵynda 2024 jyldyń alǵashqy jarty jylynda 309,4 myń dana elektr qýatyn eseptegish qural satyldy.
2024 jyldyń birinshi jartyjyldyǵynda elektr energııasy, sondaı-aq gaz jáne suıyqtyq eseptegishteri Belarýs, Qyrǵyzstan, Reseı, Ózbekstan, Germanııa, BAÁ, Qytaı, Grýzııa, Mońǵolııa jáne Túrkııaǵa eksporttaldy.
Eksporttalǵan ónimniń jalpy quny — 879,4 myń AQSh dollary.
