Qazaqstan eldiń rýhanı jańǵyrýyn ártaraptandyrýda - «Madıar Nemzet»
ASTANA. QazAqparat - Vengrııalyq belgili «Madıar Nemzet» basylymynda tanymal saıası jýrnalıst Gabor Shtırdiń respýblıkalyq «Egemen Qazaqstan» basylymynda jaryq kórgen «Bolashaqqa baǵdar: rýhanı jańǵyrý» atty baǵdarlamalyq maqalasyna silteme jasap jazǵan materıaly jarııalandy.
Onda Nursultan Nazarbaevtyń rýhanı jańǵyrýdyń keń aýqymdy baǵdarlamasyn jarııa etkendigi aıtylady. Atalǵan baǵyt aǵylshyn tilindegi pánderdi meńgerýdi jeńildetip, kóptegen pánderdi bastaýysh synyptarda-aq Shekspırdiń tilinde júrgizýge múmkindik bere otyryp, tehnologııalyq jańǵyrýdyń órshil baǵdarlamasyn júzege asyrýǵa yqpal etedi.
Bul baǵyttaǵy basty qadamdardyń biri - Qazaqstannyń 2018 jyldan bastap latyn álipbıine kóshý bolyp otyr. Memleket basshysy óziniń baǵdarlamalyq maqalasynda kırıllıtsa elimizde 1940 jyldan bastap, saıası sebepterge baılanysty engizile bastaǵandyǵyn aıtty. Ol kezde kırıllıtsa 1929 jyldan bastap qoldynylyp kelgen latyn álipbıin almastyrdy. Oǵan deıin qazaqtar arab qaripterin qoldanyp keldi.
Prezıdent Nursultan Nazarbaevtyń pikirinshe, jańa álipbıge kóshý asa úlken qıyndyqtar týdyrmaıdy. Óıtkeni búgingi óskeleń urpaq aǵylshyn tilin mektep qabyrǵasynan bastap, meńgerip keledi. Osyǵan qaraı olarǵa latyn álipbıin qoldaný asa qıynǵa soǵa qoımaıdy. Vengrııalyq sarapshylar buny órkenıetti baǵyt almastyrý dep túsinip otyr. Alaıda bul saıası jaǵynan alǵanda, Qazaqstan Reseıge keri buryldy degendi bildirmese kerek. Qazaqstan tek eldiń rýhanı jańǵyrýyn ártaraptandyrǵysy keledi.
«Til jaǵynan alǵanda da, mádenıet jaǵynan alǵanda da Qazaqstan slavıandarǵa qaraǵanda túrik álemine jaqyn. Osy turǵydan alǵanda Keńes Odaǵy ydyraǵannan keıin Qazaqstan Túrkmenstan, Ázerbaıjan, Ózbekstan sııaqty óziniń geosaıası basymdyqtary negizinde órkenıettiń jańa baǵyttaryn qurýda»,-dep jazady vengrııalyq saıası sholýshy.
Jalpy alǵanda, avtor rýhanı jańǵyrtý sharalaryn joǵary baǵalaıdy. «Madıar Nemzet» (Vengrııa ulty), 1945 jyly negizi qalanǵan Vengrııa Respýblıkasynyń jetekshi baspasóz basylymy.
