Qazaqstan el aýmaǵynan aǵash materıaldaryn shyǵarýǵa tyıym saldy

NUR-SULTAN. QazAqparat –El aýmaǵynan aǵash materıaldarynyń jekelegen túrlerin shyǵarýǵa 18 tamyzdan bastap tyıym salyndy. Bul týraly QazAqparat Memlekettik kirister komıtetiniń baspasóz qyzmetine silteme jasap habarlaıdy.

«Qazaqstan aýmaǵynan aǵash materıaldarynyń jekelegen túrlerin,a atap aıtqanda Eýrazııalyq ekonomıkalyq odaqtyń Syrtqy ekonomıkalyq qyzmetiniń taýar nomenklatýrasy kody 4401, 4403, 4404, 4406 jáne 4407 áketýge 2019 jylǵy 18 tamyzdan bastap alty aı merzimge tyıym salý engizildi. Buǵan qatysty QR Indýstrııa jáne ınfraqurylymdyq damý mınıstriniń 2019 jylǵy 29 shildedegi № 564 buıryǵy shyǵaryldy», - delingen Komıtet habarlamasynda.