Qazaqstan EQYU-nyń tóraǵasy retinde baýyrlas Qyrǵyzstanǵa aýyr daǵdarystan shyǵýǵa kómek kórsetedi - Qanat Saýdabaev
aýsymnyń 30-y. QazAqparat /Rýslan Ǵabbasov/ - Jaqynda Qyrǵyzstanda oryn alǵan etnıkaaralyq qaqtyǵystardyń qaıtadan paıda bolýyna jol bermeý maqsatynda biz EQYU-da bar múmkindikterdi paıdalanýymyz kerek,
dedi búgin toleranttylyq jáne kemsitýshilikke jol bermeý jónindegi joǵary deńgeıdegi EQYU konferentsııasynyń jabylýy kezinde sóılegen sózinde QR Memlekettik hatshysy - Syrtqy ister mınıstri Qanat Saýdabaev.
«Qazaqstan birinshi kúnnen bastap kórshiles respýblıkaǵa múmkindiginshe kómek kórsetýde. Sondaı-aq elimiz Qyrǵyzstandaǵy senim men toleranttylyqty tezarada qalpyna keltirýge nıetti. Munymen qosa Qazaqstan budan ári ekijaqty negizde jáne EQYU-nyń tóraǵasy retinde baýyrlas Qyrǵyzstan eline aýyr daǵdarystan shyǵýǵa kómek kórsetedi», dep atap ótti Q. Saýdabaev.
«Biz bul bedeldi konferentsııada EQYU-ǵa qatysýshy elderdegi tózbeýshilikpen jáne kemsitýshilikpen kúres boıynsha sheshim qabyldaý úderisine yqpal etýge jınaldyq. Osy oraıda konferentsııanyń nátıjesi men tájirıbe almasý bul turǵyda eleýli ról atqaratynyna úmittimin», dedi EQYU-nyń is basyndaǵy tóraǵasy -QR Syrtqy ister mınıstri Qanat Saýdabaev.
