Qazaqstan EQYU-nyń qyzmetine tyń serpin bere alady - Serbııa Elshisi Elıtsa Kýrıak
sp;ASTANA. Aqpannyń 11-i. QazAqparat /Ernur Aqanbaı/ - Qazaqstan EQYU-nyń qyzmetine tyń serpin bere alady. Búgin Aqordada QR Memlekettik hatshysy-Syrtqy ister mınıstri Qanat Saýdabaevqa senim gramotasyn tapsyrǵannan keıingi brıfıngte Serbııanyń Qazaqstandaǵy Tótenshe jáne Ókiletti Elshisi qyzmetin qosa atqarýshy Elıtsa Kýrıak osylaı málimdedi,
dep habarlaıdy QazAqparat.
«Sizderdiń eldiń EQYU-ǵa tóraǵalyǵy jaıly aıtatyn bolsam, Qazaqstan basshysy jáne jalpy Qazaqstan basshylyǵy óziniń bedelimen eýropalyq qaýipsizdikti nyǵaıtý isinde aldyǵa qadam jasaıdy jáne EQYU-ǵa tyń serpin beredi dep úmitenemiz», dedi brıfıngte E. Kýrıak.
Kıpr men Qazaqstan arasynda burynnan dástúrli jaqsy qarym-qatynas qalyptasqanyn aıtqan Elshi: «Bizdiń eldegi tarıhı oqıǵalardan keıin baılanystar birshama úzilip qaldy. Serbııa men Qazaqstannyń Syrtqy ister mınıstrleriniń ótken jyly EQYU-nyń sammıti sheńberindegi Afınydaǵy kezdesýlerinen keıin bizder yntymaqtastyǵymyzdy jańa jaǵdaılarda damytatyn bolyp kelistik», dedi.
Onyń aıtýynsha, keshe Indýstrııa jáne saýda mınıstrliginde kezdesý bolyp, onyń barysynda taraptar saýdany lıberalızatsııalaý týraly kelisimdi ázirleý jónindegi jumystardy júrgizetin jáne úkimetaralyq komıtet quratyn bolyp kelisken. «Sodan keıin ınvestıtsııa jáne eki el arasyndaǵy saýda-sattyqty jeńildetý máselesin qozǵaıtyn bolamyz. Budan bólek, bıyl Qazaqstannyń Serbııadaǵy jáne Serbııanyń Qazaqstandaǵy aptalyqtary ótkiziletin bolady», dedi Elshi.
«Serbııa Eýropadaǵy shaǵyn memleket. Alaıda onyń belgili bir artyqshylyqtary jáne úlken múmkindikteri bar», degen ol Serbııa men Qazaqstannyń energetıka salasynday ınvestıtsııalyq yntymaqtastyqty damytýda zor múmkindikteri baryn atap ótti.
