Qazaqstan EQYU-nyń Іs basyndaǵy tóraǵasy retinde Qyrǵyzstanda bolyp ótken parlamenttik saılaýdaǵy qyrǵyz halqynyń danalyǵy men erligin joǵary baǵalaıdy - Q.Saýdabaev
STANA. Qazannyń 11-i. QazAqparat - QazAqparat QR Syrtqy ister mınıstrliginiń baspasóz qymetine silteme jasaı otyryp EQYU-nyń Іs basyndaǵy Tóraǵasy Qanat Saýdabaevtyń Qyrǵyzstan Respýblıkasynda ótken parlamenttik saılaýlarǵa baılanysty jasaǵan málimdemesin jarııalaıdy.
***
EQYU Іs basyndaǵy tóraǵasynyń málimdemesi
Qazaqstan Respýblıkasy EQYU Іs basyndaǵy tóraǵasy retinde Qyrǵyzstan Respýblıkasyndaǵy parlamenttik saılaýlardyń beıbit ótkenin jaqtaıdy jáne elde saıası turaqtylyq pen qoǵamdyq kelisimniń tez arada qalpyna kelýine tilektestik bildiredi.
Qaıǵyly oqıǵalardyń alǵashqy kúninen bastap-aq Qyrǵyzstandaǵy jaǵdaı EQYU Іs basyndaǵy tóraǵasynyń nazarynda. Qazaqstan Prezıdenti Nursultan Nazarbaev, AQSh Prezıdenti Barak Obama men Reseı Prezıdenti Dmıtrıı Medvedevtiń birlesken kúsh-jigerleriniń arqasynda Qyrǵyzstandaǵy saıası alasapyran men azamattyq taıtalastardyń ary qaraı órship ketýiniń aldyn alýǵa múmkindik týdy.
Jaǵdaıdyń jaqsarýyna EQYU Іs basyndaǵy tóraǵasynyń, BUU Bas hatshysy men Eýropalyq Odaqtyń da aıtarlyqtaı úlesi qosyldy. Sonymen qatar, Qazaqstan Prezıdenti N.Nazarbaev ótpeli kezeńdegi prezıdent Roza Otynbaevamen, Qyrǵyzstannyń birqatar saıası kóshbasshylarymen birneshe márte kezdesip, saılaý aldy kezeńdegi Qyrǵyzstandaǵy jaǵdaıdyń turaqtanýy úshin kóp eńbek etti. Osynyń barlyǵy Qyrǵyzstandaǵy saıası daǵdarys kezindegi álemdik qoǵam men halyqaralyq qurylymdardyń tıimdi birlesken is-áreketiniń úlgisine aınaldy.
Qazaqstan EQYU Іs basyndaǵy tóraǵasy retine ótken parlamenttik saılaýda baıqalǵan qyrǵyz halqynyń danalyǵy men erligin joǵary baǵalaıdy jáne de Qyrǵyzstan Respýblıkasynda beıbitshilik pen kelisim saqtalady dep úmittenedi.
Biz Qyrǵyzstan halqynyń saılaýyna qurmetpen qaraımyz jáne saıası ómirdiń jaqsarýyna, birqalypty turaqtylyqtyń ornaýyna, halyqtyń áleýmettik máseleleriniń sheshilýine, eldiń ekonomıkalyq jáne demokratııalyq jandanýyna baǵyttalǵan kúsh-jigerlerin árdaıym qoldaımyz.
