Qazaqstan EQYU-na tóraǵalyqta qarýsyzdaný jónindegi halyqaralyq deńgeıdegi qujat talaptarynyń oryndalýyn qamtamasyz etedi - SІM
ASTANA. Qańtardyń 26-sy. QazAqparat /Aıdar Ospanalıev/ - Eýropadaǵy qaýipsizdik jáne yntymaqtastyq uıymynyń áskerı-saıası baǵyttaǵy qyzmeti boıynsha Qazaqstan 2010 jyly «Korf» protsesi boıynsha atqarylǵan sharalardy jalǵastyrady.
ıAǵnı Qazaqstan eýropalyq qaýipsizdikti qamtamasyz etýge baǵyttalǵan qurylymdy, naqty maqsattardy kózdeıtin dıalog qalyptastyrýǵa úlken mańyz bergeli otyr. Bul týraly búgin Astanada «Qazaqstannyń Eýropadaǵy qaýipsizdik jáne yntymaqtastyq uıymynyń qyzmetin damytýdaǵy róli» atty taqyrypta ótken dóńgelek ústel otyrysynda Syrtqy ister mınıstrliginiń EQYU departamentiniń dırektory Serjan Ábdikárimov málim etti, dep habarlaıdy QazAqparat.
Onyń pikirinshe, atalmysh protsestiń aralyq qorytyndysy Eýroatlantıka jáne Eýrazııa aımaǵyndaǵy júzege asyrylǵan máselelerge qalyń kópshiliktiń razy emestigin anyqtady. «Al Qazaqstan bul máselede sózden iske basymdyq beretin bolady. Qazaqstan Afınyda qabyldanǵan mınıstrler deklaratsııasynyń júzege asýyn qamtamasyz etip, qarýsyzdaný jóninen álemdegi lıderlerdiń biri retinde qujat talaptaryn buljytpaı oryndaýǵa kúsh salady. Buǵan qosa EQYU transultyq deńgeıdegi qaýip-qaterlermen kúreste kúsh biriktirýi kerek degen oıdamyn. Al Aýǵanstandaǵy jaǵdaıdy retteýge keletin bolsaq, biz atalmysh máseleni jahandyq qaýipsizdikti qamtamasyz etý, lańkestikpen kúres, dinı ekstremızm men esirtki saýdasyna qarsy shyǵý dep bilemiz», dedi departament dırektory.
