Qazaqstan EQYU qyzmetine belsendi qatysa beredi

NЬıÝ-IORK. QazAqparat – BUU shtab-páterinde Qazaqstan Syrtqy ister mınıstri Muhtar Tileýberdi Eýropadaǵy qaýipsizdik jáne yntymaqtastyq uıymynyń (EQYU) Bas hatshysy Tomas Gremıngermen kelissóz júrgizdi. Bul jóninde vedomstvonyń baspasóz qyzmetine silteme jasap QazAqparat habarlaıdy.

SІM basshysy Qazaqstan EQYU belsendi múshesi retinde EQYU-nyń barlyq keńistiginde qaýipsizdik pen turaqty damýdy qamtamasyz etýde uıymǵa barlyq múshe memlekettermen yntymaqtastyqty keńeıtýge daıyn ekenin atap ótti. Qazaqstannyń óńirlik jáne jahandyq problemalardy sheshý jónindegi birlesken kúsh-jigerge beıimdiligi atap ótildi.

Kelissóz barysynda T. Gremınger Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń ınklıýzıvtik damýdyń jahandyq arhıtektýrasyn qalyptastyrý jónindegi «Úsh dıalog» bastamasyn jan-jaqty talqylady.

Osyǵan baılanysty EQYU men AÓSShK Eýrazııa aýmaǵynda ózara is-qımyl boıynsha áleýetin biriktirý usynyldy. Beıresmı pikir almasý, sondaı-aq osy uıymdardyń jaýapkershilik aımaqtarynda geosaıası jaǵdaıdy odan ári damytý boıynsha «saǵattardy salystyrý» janasý núktelerin belgileýge jáne bolashaqqa ınstıtýtaralyq ózara is-qımyl josparyn ázirleýge múmkindik beredi.

Bas hatshy Qazaqstannyń EQYU aıasyndaǵy tıimdi qyzmetin atap ótip, elimizdiń óńirlik jáne halyqaralyq saıasattaǵy róliniń ósýine nazar aýdardy.