Qazaqstan EQYU-ǵa múshe elderge adamı ólshemder salasyndaǵy máselelerdi talqylaý úshin úlken múmkindik jasady-M. Jarbosynova
ASTANA. 28 qarasha. QazAqparat /Aıdar Ospanalıev/ - Bıyl Qazaqstan EQYU-ǵa múshe elder men olardaǵy azamattyq qoǵam ókilderine adamı ólshemder salasynda qalyptasqan máselelerdi ortaǵa salýda úlken múmkindikter jasady.
Astanada ótetin EQYU Sammıti qarsańynda búgin jýrnalıstermen bolǵan kezdesýinde QR Syrtqy ister mınıstrliginiń Erekshe tapsyrmalar jónindegi Elshsi Mádına Jarbosynova osylaı aıtty.
Onyń sózine qaraǵanda, bul rette Qazaqstan «EQYU-nyń músheleri óz mindetterin qalaı júzege asyrýda?» degen másele tóńireginde pikir talastyryp qana qoımaı, osy baǵytta tıisti keńester daıyndaýǵa da jaǵdaı jasady.
M. Jarbosynovanyń aıtýynsha, qazirgi tańda Sammıtiń qorytyndy qujattary boıynsha da tıisti jumystar atqarylýda. «Biz úkimettik emes uıymdarmen dıalogqa úlken mańyz bere otyryp, EQYU-ǵa tóraǵalyq aıasynda konsýltatıvtik keńes uıymdastyrdyq. Bul azamattyq qoǵam ókilderiniń bastamasy bolatyn. Al Syrtqy ister mınıstrligi bul bastamany qoldap, biz konsýltatıvti keńeske jetekshilik ettik. Atalmysh keńeske adamı ólshemderimáselelerimen aınalysatyn elimizdiń resmı organdarynyń ókilderi de engizildi. Sonymen qatar keńes quramyna azamattyq qoǵam ókilderi men halyqaralyq sarapshylar kirdi», - dedi Elshi.
