Qazaqstan EQYU-daǵy tóraǵalyǵynyń ıdeıasy Varshavada tanystyryldy
ASTANA. Jeltoqsannyń 21-i. QazAqparat. Varshavadaǵy «Belveder» Prezıdenttik saraıynda Memlekettik hatshy - Polsha Prezıdentiniń syrtqy saıasat boıynsha keńesshisi Marıýsh Handzlık, Premer-mınıstr keńsesi men SІM jaýapty qyzmetkerleri, sondaı-aq Polsha Respýblıkasyndaǵy Ortalyq Azııa men Azııa-Tynyq muhıt aımaqtary ókilderiniń qatysýymen pikitalas forýmy ótti,
dep habarlaıdy Qazaqstannyń Polshadaǵy elshiliginen.
Shyǵys Eýropada Qazaqstannyń eń iri saýda áriptesi bolyp tabylǵan Polsha, EQYU tóraǵasy retinde memleketimiz kandıdatýrysyn, sondaı-aq Qazaqstan men Eýropa Odaǵy arasyndaǵy ilgeri áriptestik týraly jańa Kelisimge qol qoıýdyń QR bastamasyna alǵashqylardyń biri bolyp qoldaý kórsetti. Qazaqstannyń Polshadaǵy Elshisi Alekseı Volkov «Qazaqstannyń EQYU-daǵy tóraǵalyǵy konteksinde Ortalyq Azııa men Shyǵys Eýropa memleketteri yntymaqtastyǵynyń keleshegi» baıandamasynda memleketimizdiń EQYU tóraǵasy retindegi basym baǵyttary týraly aıtyp ótti. Qazaqstan Eýropa qaýipsizdik arhıtektýrasyn nyǵaıtýǵa; tranzıtti-kólik áleýetin kúsheıtýge; Aýǵanstandy turaqtandyrýǵa, sondaı-aq elimizdiń úlken tájirıbesi bar etnosaralyq jáne dinı tózimdilikti alǵa jylytýǵa óz úlesin engizýge umtylatyny atap ótildi.
Qazaqstannyń EQYU tóraǵalyǵy sheńberindegi syrtqy saıasatynyń eýrazııalyq sıpaty men bitimgershilik tájirıbesi burynǵy keńes keńistigindegi «uzaq» daýlardy retteýge múmkindik týǵyzatyny atap ótildi. Sonymen qatar, Qazaqstannyń basty maqsaty - Venadan batys pen shyǵysqa taralǵan elder arasyndaǵy túsinisýshilik pen senimdilikti saqtap kúsheıtý, sondaı-aq EQYU barlyq úsh «sebetiniń» teńdestigin qamtamasyz etý.
Osyǵan oraı Qazaqstan Elshisi tóraǵalyǵy jylynda Astana memleket basshylary deńgeıinde EQYU sammıtin ótkizýdi josparlap otyrǵanyn málimdedi. Azııa memleketteriniń elshileri EQYU men Eýropa memleketteri qorlarynyń Ortalyq Azııa aımaǵy men Aýǵanstan máselelerine tartýy jónindegi málimetti asa qyzyǵýshylyqpen qabyldady. Shetel dıplomattary Qazaqstannyń naqty izgilik kómek, sonyń ishinde astyqpen jabdyqtaý men qazaqstandyq qarajatqa stýdentter shaqyrý túrindegi qoldaý sharalaryn joǵary baǵalady.
Elshi Qazaqstannyń EQYU-daǵy basshy jaǵdaıy men QR-nyń Islam Konferentsııasy uıymyndaǵy tóraǵalyǵy 2011 jyly órkenıetaralyq dıalogy men Eýropa men Azııa memleket basshylary arasyndaǵy túsinisýshiliktiń nyǵaıýyna múmkindik týǵyzatynyna senim bildirdi, bul memleketimizdiń Shyǵys pen Batys arasyndaǵy suhbatynyń negizi retinde ilgerileıtin bitimgershilik bastamalaryna sáıkes keledi.
«Belvederdegi» pikirtalas forýmy barysynda Elshi A.Volkov barlyq qatysýshysyna Varshavadaǵy Qazaqstan Elshiligi arqyly uly polıak pıanısti Frederık Shopenniń 200- jyldyǵy men Qazaqstannyń EQYU-daǵy tóraǵalyǵyna oraı basyp shyǵarylǵan 2010 jyldyń kúntizbesin syıǵa tartty.
