Qazaqstan EQYU-da qyzyǵýshylyq týdyrǵan ultaralyq kelisim qurýdaǵy tájirıbesimen bólisýge daıyn - N. Nazarbaev
amyrdyń 1-i. QazAqparat /Ernur Aqanbaı/ - Qazaqstan EQYU elderiniń asqan qyzyǵýshylyǵyn týdyryp otyrǵan óziniń ultaralyq kelisim qurýdaǵy tájirıbesimen bólisýge daıyn, dedi Elbasy Nursultan Nazarbaev búgin Astanada otandastaryn Qazaqstan halqynyń biriligi merekesimen quttyqtaýynda.
«Búginde Qazaqstannyń tájirıbesi biz osy jyly tóraǵalyq jasap jatqan EQYU-daǵy bizdiń áriptesterimizdiń asqan qyzyǵýshylyǵyn týǵyzyp otyr. Bul uıymǵa 50-den astam memleket múshe. Kelesi jyly Qazaqstan osynshama memleketti biriktiretin Islam konferentsııasy uıymyna tóraǵalyq jasaıtyn bolady. Qarańyzdar, jarty álemnen astam eldi biriktiretin uıymdarǵa Qazaqstannyń basshylyq etýine senim bildirilip otyr. Bul bizdiń qýanyshymyz ben maqtanyshymyz emes pe? Biz nıet tanytqandardyń barlyǵymen ózimizdiń tájirıbemizdi bólisetin bolamyz», dedi Elbasy.
Elbasynyń aıtýynsha, bizdiń halqymyzdyń rýhy táýelsizdiktiń birinshi kúninen beri júrgizilip kele jatqan saıasattyń negizin qalap otyr, bul toleranttylyq pen dostyq.
