Qazaqstan eksporty 1,3 myń taýarǵa túrlendi
NUR-SULTAN. QazAqparat - Qazaqstan eksporty 1,3 myń taýar túrine túrlendi. Bul jaıynda QR Premer-Mınıstri Asqar Mamınniń Májilis depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.
«Óńdeý ónerkásibi ónimderi eksportynyń damýynda aıtarlyqtaı oń ózgerister baıqalady. Aıtalyq, Qazaqstannan eksportqa shyǵarylatyn ónimderdiń nomenklatýrasy 1 300 taýarǵa jýyq artty», - dedi ol.
Úkimet basshysynyń derekterine sáıkes, Qazaqstannyń hımııa ónerkásibi ónimderiniń eksporty 2,9 ese, 314,7 mln dollardan 897,8 mln dollarǵa, al mashına men qural-jabdyqtar 1,7 ese, 395,3 mln dollardan 654,7 mln dollarǵa deıin ulǵaıyp otyr.
«Taýarlar sheginde eksporttyń artýyna transformatorlar eksportynyń 7,5 mln dollardan 36,8 mln dollarǵa deıin, al qara metaldan jasalǵan qubyrlardyń 34,6 mln dollardan 169,9 mln dollarǵa deıin, ıaǵnı aqshaǵa shaqqanda 5 ese ulǵaıýy naqty dálel bola alady. Eksport geografııasy Qytaı, Reseı, Ulybrıtanııa, EO men TMD elderin qosa alǵanda alys jáne taqyn shet elderdiń 120 memleketin qamtıdy», - dedi Asqar Mamın