Qazaqstan eksporttaıtyn taýarlar baǵasy qymbattady
ASTANA. QazAqparat - Qazaqstanda shetelge eksporttalatyn taýarlardyń baǵasy ósti. Bul týraly QR Ulttyq ekonomıka mınıstrliginiń Statıstıka komıtetine silteme jasaǵan QazAqparat tilshisi habarlaıdy.
2018 jyldyń jeltoqsan aıynda budan bir aı burynǵy kórsetkishpen salystyrǵanda, 7,8 paıyz tómendep, 2017 jyldyń jeltoqsanynan bastap 13,8 paıyzǵa ósken, al ımporttalatyn taýarlar sáıkesinshe 0,1 paıyzǵa tómendep, 7,9 paıyzǵa ósti.
2017 jylmen salystyrǵanda, 2018 jyly Qazaqstannyń shetelge eksporttaıtyn taýarlardyń baǵasy 22,6 paıyzǵa, ımport taýarlary - 7,2 paıyzǵa ósken.
2018 jyldyń basynan beri eksport jetkizilimderiniń ishinde temir keni (26 paıyz), tabıǵı gaz (25,7 paıyz), marganets keni (22,1 paıyz), mys (16,8 paıyz), munaı (14,9 paıyz), ferroqorytpalar (14,3 paıyz), qara metall prokaty (10,5 paıyz), kómir (6,1 paıyz) baǵalary kóterilip, hrom keni (19,3 paıyz), qorǵasyn (12,4 paıyz), myrysh (8 paıyz) baǵalary tómendegen.
Arpa baǵasy - 21,5 paıyzǵa, bıdaı - 21 paıyzǵa, maqta - 8,9 paıyzǵa ósken, al jún baǵasy 3,1 paıyzǵa tómendegen.
Import ónimderiniń ishinde qus eti 34,7 paıyzǵa, temeki - 31,8 paıyzǵa, kókónis - 15,2 paıyzǵa, balyq - 14,3 paıyzǵa, qant - 13,2 paıyzǵa, shaı - 9,1 paaıyzǵa, margarın - 3,7 paıyzǵa, farmatsevtıkalyq ónimder - 3,4 paıyzǵa qymbattasa, kakao - 4,3 paıyzǵa, ósimdik maıy - 5 paıyzǵa, kofe - 0,3 paıyzǵa arzandady.
Aıaq kıim baǵasy 27,8 paıyz, shınalar - 21,7 paıyz, qurylys materıaldary - 15,8 paıyz, qaǵaz - 15,1 paıyzǵa qymbattady.
Avtor: Ashat Ahmetbekov
