Qazaqstan eksporttaıtyn pozıtsııalardyń baǵasy qanshalyqty ósti

NUR-SULTAN. QazAqparat - Memlekettik kirister komıtetinde Qazaqstandaǵy salyq túsimderiniń ósýine áser etken negizgi faktorlar ataldy, dep habarlaıdy QazAqparat tilshisi.

«2022 jyldyń alty aıynda ótken jyldyń sáıkes kezeńimen salystyrǵanda negizgi eksporttyq pozıtsııalarǵa baǵanyń , onyń ishinde munaı - 65,9%-ǵa, alıýmınıı - 36,9%-ǵa, myrysh - 35,4%-ǵa, qorǵasyn -9,4%-ǵa, mys -7,3%-ǵa jáne altyn -3,6%-ǵa ósýi baıqalady»,- dep habarlady vedomstvodan.

Memlekettik kirister komıtetiniń málimetinshe, shıki munaıdyń eksporttyq kedendik baj salyǵy 52,9%-ǵa ósti (2021 jyldyń alty aıynda ortasha mólsherleme 1 tonnaǵa 56,7 dollardy, 2022 jyldyń alty aıynda 1 tonnaǵa 86,7 dollardy qurady).
Buǵan deıin 2022 jyldyń alty aıynda memlekettik bıýdjetke salyq túsimderi boıynsha jospar 106,4 paıyzǵa oryndalǵany habarlanǵan bolatyn.

Jospar boıynsha salyq túsimi 6 718,0 mlrd teńge bolsa, 7 150,1 mlrd teńge túsken. ıAǵnı, 432,2 mlrd teńgege artyq oryndaldy. Ótken jyldyń sáıkes kezeńimen salystyrǵanda ósim 2 281,0 mlrd teńgeni nemese 1,5 ese kóp.