Qazaqstan eksporttaýshy elderden kelgen 70 tonna zalaldy ónimdi joıdy

ASTANA. QazAqparat - 2017 jyldyń qazan aıynyń 21-28 aralyǵynda el aýmaǵyna joǵarǵy fıtosanıtarııalyq qaýpi bar karantınge jatqyzylatyn ónimderdi ákelý kezinde Qazaqstan Respýblıkasy jáne Eýrazııalyq ekonomıkalyq odaǵynyń ósimdikter karantıni salasyndaǵy zańnamasyn buzýdyń 29 faktisi anyqtaldy, dep habarlaıdy QR AShM baspasóz qyzmeti.

Máselen, Reseı Federatsııasynan ónimder (kartop - 14 tonna, bıdaı - 121,03 tonna, kesilgen aǵash daıyndamalary - 20 tekshe metr) mindetti ilespe fıtosanıtarııalyq sertıfıkatsyz ákelingen 8 fakt tirkeldi.

Al, Qyrǵyzstan Respýblıkasynan ónim (júzim, qurma - 20,01 tonna, keptirilgen jemister - 22 tonna) mindetti ilespe fıtosanıtarııalyq sertıfıkatsyz ákelingen 3 oqıǵa anyqtaldy.

Osy úsh jaǵdaıda 1-eýinde shyǵys jemis jemiri, 2-eýinde Komstok symyry atty karantındik obektiler anyqtaldy.

Odan bólek, ónim (keptirilgen jemister - 22 tonna, jańǵaq - 5,6 tonna, alma jáne almurt - 24,4 tonna, sarymsaq - 0,3 tonna, kúrish - 1 tonna, asqabaq - 0,05 tonna, órik - 0,02 tonna) markırovkasyz ákelingen 10 jaǵdaı tirkeldi.

Sonymen birge, Ózbekstan Respýblıkasynan 6 jaǵdaıda 70 tonna qurma men 0,9 tonna anardan Shyǵys jemis jemiri jáne Komstok symyry anyqtaldy.

Joǵaryda kórsetilgen karantınge jatqyzylǵan jalpy salmaǵy 236,61 tonna jáne 20 tekshe metr ónim eksporttaýshy memleketterdiń aýmaǵyna qaıtarylyp, 70 tonna zalaldy ónim joıyldy.