Qazaqstan eksporttaǵan taýarlar baǵasy arzandap, ımport qymbattady
NUR-SULTAN. QazAqparat – Ótken jylǵy on bir aıda eksporttalatyn taýarlarǵa baǵa 11,9 paıyzǵa tómendep, ımporttalatyn taýarlar 4,6 paıyzǵa joǵarylady. Mundaı aqparatty QR Strategııalyq josparlaý jáne reformalar agenttiginiń Ulttyq statıstıka bıýrosy usyndy, dep habarlaıdy QazAqparat.
Vedomstvo málimetinshe, 2020 jylǵy qarashada qazan aımen salystyrǵanda eksporttyq jetkizilimder baǵasy temir kenderine – 9,7, qorǵasynǵa – 5,6, munaıǵa 2,9 paıyz tómendedi. Qara metall ılegine – 6,5, mys kenderine – 5,3, ferroqorytpalarǵa – 2, myryshqa 0,2 paıyz joǵarylady. Sonymen qatar baǵanyń bıdaıǵa 0,2 paıyz tómendeýi, olardyń jarmalarǵa – 12,9, júnge – 3,1, kúrishke – 1,2, unǵa 0,6 paıyz joǵarylaýy tirkeldi.
«Importtalatyn ónimderden ósimdik maıy – 12,3, qant – 2,8, kúrish – 2,2, jemister men jańǵaqtar 1,8 paıyzǵa qymbattady. Qus eti – 8,3, temeki – 4,6, kókónister – 3,3, kofe – 1,2, shaı 0,2 paıyzǵa arzandady. Baǵa súrekke – 1,7, mashınalar, jabdyqtar jáne kólik quraldaryna – 1, aıaq kıimge 0,5 paıyz joǵarylady. Qaǵazǵa – 2,3, bylǵary shıkizatyna – 1,1, qurylys materıaldaryna – 0,6, tekstıl ónimderine 0,4 paıyz tómendedi», - dep atap ótedi bıýrodan.
