Qazaqstan eksportqa shyǵarǵan kúnbaǵys maıynyń kólemi úsh esege jýyq ósti

ASTANA. QazAqparat – 2022 jylǵy qańtar-shildede otandyq kompanııalar kúnbaǵys maıyna suranysty 82,8% qamtamasyz etti. 2021 jylǵy qańtar-shildede bul kórsetkish 80,7% bolǵan edi. Osy kezeńde kúnbaǵys maıyn óndirý kólemi 36,9% artty. Import 18,6% ósip, 55,6 myń tonnany qurady, dep habarlaıdy QazAqparat Energyprom resýrsyna silteme jasap.

QR-dan shyǵarylǵan kúnbaǵys maıynyń eksporty birden 2,6 ese, 2022 jylǵy qańtar-shildede 129,5 myń tonnaǵa deıin ósti, al ishki naryqta satý tek 0,8%, ıaǵnı 193,8 myń tonnaǵa deıin artty.

Eksport qazirdiń ózinde qolda bar resýrstardyń 40,1% qurady, al bir jyl buryn 20,7% ǵana bolǵan edi.

2022 jyldyń qańtar-tamyz aılarynda QR-da 308,5 myń tonna kúnbaǵys maıy óndirilgen. Bul 2021 jyldyń sáıkes kezeńimen salystyrǵanda 39,5%-ǵa kóp.

Onyń 47%-y, ıaǵnı 145 myń tonnasy tek Shyǵys Qazaqstan oblysyna tıesili. Óndiristiń edáýir kólemi Abaı oblysy men Shymkentte de baıqaldy.

Munda sáıkesinshe 59,2 myń jáne 32,1 myń tonna kúnbaǵys maıy óndirilgen.

2022 jylǵy qańtar–tamyz aılarynda 215,9 myń tonna tazartylmaǵan kúnbaǵys maıy óndirilgen. Bul 2021 jylǵy qańtar–tamyzdaǵy kórsetkishten 79,1%-ǵa artyq.

Tazartylǵan kúnbaǵys maıy 92,6 myń tonnany qurady. Bul ótken jylmen salystyrǵanda 7,9%-ǵa az.

Qyrkúıek aıynyń qorytyndysy boıynsha kúnbaǵys maıynyń baǵasy bir aıda 4,6%-ǵa artqan.