Qazaqstan ekonomıkasynyń túrli salasynda 8,7 mln adam jumyspen qamtyldy
«2018 jyly Qazaqstan ekonomıkasynyń ártúrli salalarynda 8,7 mln adam nemese 15 jáne odan joǵary jastaǵy halyqtyń 66,6 paıyzy jumyspen qamtyldy. Jumyspen qamtylǵandardyń 51,5 paıyzy (4,5 mln adam) - erler, 48,5 paıyz (4,2 mln. adam) - áıelder», - delingen taratylǵan aqparatta.
Vedomstvo málimetinshe, 2018 jyly jaldamaly qyzmetkerlerdiń sany 6,6 mln adamdy nemese jalpy jumyspen qamtylǵan halyq sanynan 76 paıyzyn qurady. Jumyspen qamtylǵandardyń arasynda ózin-ózi jumyspen qamtyǵan qyzmetkerlerdiń, ıaǵnı jaldanbaı jumyspen qamtylǵandardyń sany 2,1 mln adam nemese 24 paıyz boldy. Ózin-ózi jumyspen qamtyǵan qyzmetkerlerdiń jalpy sanynan jumyspen nátıjeli qamtylǵandardyń úlesi 90,7 paıyzǵa, jumyspen nátıjesiz qamtylǵandar úlesi 9,3 paıyzǵa jetti.
Jumyssyzdyq deńgeıi 4,9 paıyzdy qurady. Jumyssyzdardyń ishindegi erlerdiń úlesi - 45,5, áıelderdiń úlesi - 54,5 paıyz. 15-28 jastaǵy jastar jumyssyzdyǵynyń deńgeıi 3,8 paıyz boldy. QR Eńbek jáne halyqty áleýmettik qorǵaý mınıstrliginiń jumyspen qamtý organdarynda 2018 jyldyń sońyna 91,6 myń jumyssyz resmı tirkelgen. Tirkelgen jumyssyzdar úlesi jumys kúshiniń 1 paıyzyn qurady», - dep atap ótedi komıtetten.
