Qazaqstan ekonomıkasynyń retsessııa bazasynan shyǵyp kele jatqandyǵy baıqalady - QR Statıstıka agenttiginiń tóraǵasy
sp;ASTANA. Qarashanyń 16-sy. QazAqparat /Marlan Jıembaı/ - Sońǵy aılardyń makroekonomıkalyq kórsetkishteriniń dınamıkasynan Qazaqstan ekonomıkasynyń retsessııa bazasynan shyǵyp kele jatqandyǵyn baıqaýǵa bolady.
Mundaı pikirdi búgin baspasóz máslıhaty barysynda QR Statıstıka agenttiginiń tóraǵasy Álıhan Smaıylov bildirdi, dep habarlaıdy QazAqparat.
Agenttik tóraǵasynyń aıtýynsha, oǵan ónerkásip óndirisiniń tamyz aıynan bastap órleý dınamıkasy, aýyl sharýashylyǵyndaǵy astyqtyń byltyrǵy jylmen salystyrǵanda kóbeıýi basty sebep bolyp otyr. Sondaı-aq órleý dınamıkasyn qurylysta, júk tasymaldaýda, baılanys salasynda, saýdada ındeksiniń ulǵaıýynan da baıqaýǵa bolady.
«Bizdegi jedel derekter boıynsha 2009 jyldyń qańtar-qarasha aılarynda JІÓ (jalpy ishki ónim) kólemi aǵymdaǵy baǵalarda 11202,6 mıllıard teńgeni quraıdy. Naqty JІÓ-niń tómendeýi ótken jylǵy osy kezeńmen salystyrǵanda 2 paıyz. Jalpy, JІÓ qurylymynda taýar óndirisiniń úlesi 42,3, al qyzmet kórsetý 56,4 paıyz bolyp otyr», dedi ol.
Sonymen qatar elimizde azyq-túlik taýarlarynyń baǵalary 2,4, azyq-túlik emes taýarlar 7,4, aqyly qyzmet kórsetýler 6,7 paıyzǵa artqan.
