Qazaqstan ekonomıkasynyń qýat naryǵyn engizý esebinen elektr energııasy men qýat qajettiligin qamtamasyz etý kerek
ASTANA. 7 maýsym. QazAqparat - Qazaqstan ekonomıkasynyń qýat naryǵyn engizý esebinen elektr energııasy men qýat qajettiligin qamtamasyz etý kerek. Elektr stantsııalarynyń ınvestıtsııalyq qyzmetiniń ashyqtyǵyn arttyrý qajet.
Osy oraıda búgin Májiliste «Qazaqstan Respýblıkasynyń keıbir zańnamalyq aktilerine elektr energetıkasy, tabıǵı monopolııalar men retteletin naryq sýbektileriniń ınvestıtsııalyq qyzmeti máseleleri boıynsha tolyqtyrýlar men ózgerister engizý týraly» úkimettik zań jobasynyń tanystyrylymy ótti.
Májilistiń Ekonomıkalyq reforma jáne óńirlik damý komıtetiniń tóraǵasy Seıitsultan Áıimbetov kirispe sózinde zań jobasynyń qoǵam úshin mańyzdylyǵyn aıta kelip, baıandama jasaý úshin QR Tabıǵı monopolııalardy retteý agenttiginiń tóraǵasy Nurlan Aldabergenovke sóz berdi.
Baıandamashy bul zań jobasy Memleket Basshysynyń 2010 jylǵy 22 qańtardaǵy keńeste bergen tapsyrmasyn oryndaý úshin ázirlengenin málim etti.
Zań jobasy «Tabıǵı monopolııalar jáne retteletin naryqtar týraly» jáne «Elektr energetıkasy týraly» zańdarǵa, sondaı-aq «Ákimshilik quqyq buzýshylyq týraly» Kodekske tolyqtyrýlar men ózgerister engizýdi kózdeıdi.
Zań jobasynyń negizgi baǵyttary elektr stantsııalarynyń ınvestıtsııalyq qyzmetiniń ashyqtyǵyn arttyrý, elektr stantsııalarynyń, TMS-terdiń jáne retteletin naryqtyń ınvestıtsııalyq mindettemelerdiń oryndalýyna jaýapkershiligin arttyrý bolyp tabylady. Sondaı-aq elektr stantsııalarynyń ınvestıtsııalyq mindettemeleri kóleminiń tarıftik tabys deńgeıine sáıkestigin qamtamasyz etýdi, Qazaqstan ekonomıkasynyń qýat naryǵyn engizý esebinen elektr energııasy men qýat qajettiligin qamtamasyz etýdi qarastyrady.
Zań jobasynan kútiletin nátıjeler elektr stantsııalary qyzmetiniń ashyqtyǵyn arttyrý; elektr stantsııalarynyń, tabıǵı monopolııa sýbektileri men domınanttardyń ınvestıtsııalyq mindettemelerdi oryndaýy úshin jaýapkershiligin arttyrý; elektr stantsııalarynyń ınvestıtsııalyq mindettemeleri kóleminiń tarıftik tabysqa sáıkestigin qamtamasyz etý; jańa elektr qýatyn engizý jáne elektr stantsııalaryndaǵy negizgi jabdyqtyń eskirgen parkin tezdetip jańartý bolyp tabylady.
Otyrysta Ashat Bekenov, Altaı Tileýberdın, Ivan Chırkalın, Vladımır Nehoroshev, Muhtar Tinikeev jáne basqaMájilis depýtattary zań jobasy aıasynda óz pikirlerin bildirdi. Zań jobasy boıynsha qurylǵan jumys tobyna Májilistiń Ekonomıkalyq reforma jáne óńirlik damý komıtetiniń múshesi Valerıı Doskalov jetekshilik jasaıdy. Aldaǵy aptada zań jobasy jumys tobynda qaralady.
