Qazaqstan ekonomıkasynyń qandaı sektorynda áıelder úlesi basym

NUR-SULTAN. QazAqparat – «Atameken» ulttyq kásipkerler palatasy Qazaqstannyń eńbek naryǵyna saraptama júrgizdi. Onyń qorytyndysynda qaı salada jumys isteıtin áıelderdiń úlesi basym ekendigi anyqtaldy, dep habarlaıdy QazAqparat tilshisi.

Palata málimetterine sáıkes, Qazaqstan halqynyń 51 paıyzyn áıelder quraıdy. Biraq, ekonomıkaǵy belsendi halyq qurylymynda erlerdi úlesi basym – 52 paıyz.

«áıelderdiń basym bóligi jumys isteıtin salalar – bul saýda-sattyq, bilim berý, turǵyn-jaı men tamaqtaný qyzmetterin usyný, qarjy jáne saqtadyrý qyzmeti, densaýlyq saqtaý, áleýmet qyzmet kórsetý, óner jáne kóńil kóterý, jyljymaıtyn múlikpen operatsııalar, túrli qyzmet túrleri», - dedi «Atameken» UKP basqarmasy tóraǵasynyń orynbasary Oljas Ordabaev qyzdar men áıelderdiń áleýetin talqylaýǵa arnalǵan forýmda.

Onyń atap ótýinshe, joǵary oqý ornyn bitirgen qyzdar jumysta tez ornalasady. Qyzdar jumys isteýge 3 aıdan az ýaqytta jumsasa, jigitter 3 aıdan da kóp ýaqyt jumysqa ornalasa almaıdy. Paıyzǵa shaqqanda JOO bitirgen qyzdardyń 77,9 paıyzy, jigitterdiń 76 paıyzy jumysqa ornalasady.