Qazaqstan ekonomıkasynyń qalpyna kelýi jalǵasyp keledi – Erbolat Dosaev
«Syrtqy jaǵdaılardyń jaqsarýy, qoldanystaǵy fıskaldyq yntalandyrý jáne ótken jyldyń tómen bazasy aıasynda ulttyq ekonomıkany qalpyna keltirý jalǵasýda. Álemdik ekonomıkanyń budan bylaıǵy damý qarqyny koronavırýstyń delta shtamynyń taralý táýekelderine jáne damýshy elderdegi vaktsınatsııanyń tómen qarqynyna baılanysty bolyp otyr. Memleket basshysynyń daǵdarysqa qarsy bastamalarynyń arqasynda Qazaqstan ekonomıkasy qalpyna kelýin jalǵastyrýda jáne bıylǵy jyldyń 7 aıynda
2,7 paıyzǵa ósti. Osy jyldyń qorytyndysy boıynsha Ulttyq bank ishki jalpy ónimniń 3,7%-ǵa ósýimen daǵdarysqa deıingi deńgeıge qaıta oralýdy kútýde», - dedi E. Dosaev.
Onyń aıtýnysha, Úkimet pen Ulttyq banktiń makroekonomıkalyq turaqtylyqty qamtamasyz etý jónindegi birlesken sharalaryn iske asyrý Qazaqstan ekonomıkasyndaǵy oń ózgeristerge qol jetkizýge múmkindik berdi, ony halyqaralyq reıtıng agenttikteri rastap otyr. Qazaqstannyń táýelsiz reıtıngi Moody's agenttigi tarapynan 2006 jyldan bastap alǵash ret «Baa2» deńgeıine deıin kóterildi, sondaı-aq Fitch agenttigi tarapynan «BBB» deńgeıinde rastaldy, eki jaǵdaıda da turaqty boljamǵa ıe boldy.
«Joǵaryda aıtylǵandar negizinde Ulttyq bank Áleýmettik-ekonomıkalyq damýdyń 2022-2026 jyldarǵa arnalǵan boljamy úshin negizgi aqsha-kredıt saıasaty jáne tólem balansy kórsetkishteriniń boljamyn jańartty», - dedi UB basshysy.